M.Äbenov: Jer reforması jönindegi komïssïya älewmettik jelide paraqşalar aşadı
Jer reforması jönindegi komïssïya älewmettik jelide paraqşalar aşadı. Bul twralı Jer reforması jönindegi respwblïkalıq komïssïyanıñ Quqıqtıq jäne Aqparattıq-tüsindirw bağıtındağı jumıs tobınıñ alğaşqı otırısında Aqparattıq-tüsindirw tobınıñ jetekşisi Murat Äbenov mälim etti.
«Komïssïya jumısınıñ keri baylanıs mäselesine kelsek, Qazaqstannıñ ärbir azamatı bizdiñ jumısımızdıñ aşıqtığın bilwi kerek. Olardıñ ötinişterin qaraytın joldar bolwı kerek, yağnï jazbaşa ötinişter qabıldawdı, Ïnternet arqılı, buqaralıq aqparat quraldarı arqılı uyımdastırwğa tïispiz. Biz osı jumıstardı da üylestiretin bolamız», - dedi M. Äbenov.
Onıñ aytwınşa, komïssïyanıñ älewmettik jelide aşılatın arnayı paraqşasına kelip tüsetin barlıq aqparattar taldanıp, saraptalıp olar aldağı jumıs barısında paydalanılwı mümkin.
«Jalpı, ayta keterligi Komïssïyanıñ özinde qazirgi kezde jeke menşikte turğan jerlerdiñ ïelenw zañdılığı mäseleleri boyınşa aqparattar da jetkiliksiz, jeke menşikke satılğan nemese jalğa berilgen jerlerdiñ tïimdi paydalanılwına qatıstı aqparattar da joq. Sondıqtan da, aqparattıq-tüsindirw tobı osı mäselelermen de aynalısatın boladı», - dedi M. Äbenov.
