Айгүл Елшібаеваның «Терме деген өсиет» атты шығармашылық кешін көріңіз
Батыс жыр мектебін бойына сіңіріп, халықтық өнерді насихаттап жүрген дәстүрлі әнші Айгүл Елшібаеваның шығармашылығы дүйім жұртқа жақсы таныс. «Сүгірдің» термесі әнімен Парижді таң қалдырған жыршы, термеші А. Елшібаеваның өнеріне Елбасының өзі тәнті болған.
Сондай-ақ, әншінің 2012 жылы жарық көрген «Қазақтың жыр мақамдары» атты кітабы Қазақстан аясында ғана емес, Ұлыбритания елінде насихатталды. Қазақтың жыраулық дәстүрі тақырыбы бойынша Кембридж университетінде дәріс оқып, сол жердегі өнертану ғалымдарының назарына ілігіп, қошеметіне бөленді.
ҚР Еңбек сіңірген қайраткері, «Дарын» мемлекеттік жастар сыйлығының иегері, әнші Айгүл Елшібаеваның «Терме деген өсиет» атты шығармашылық кешін бүгін 17:15-те тамашалай аласыздар.
